Qaynadılmış su hansı hallarda bizi zəhərləyə bilər?

Suyun dəfələrlə qaynadılması onun tərkibinə və xassələrinə təsir edir.

Bir çox insan çay və ya qəhvə hazırlamaq üçün suyun qaynadılmasına önəm vermir. Bununla belə, tədqiqatçılar xəbərdarlıq edirlər ki, suyu bir neçə dəfə ardıcıl olaraq qaynatmaq arzuolunmazdır. Çünki bu onun tərkibinə və xüsusiyyətlərinə təsir göstərə bilər.

Ən çox qaynatmaq üçün istifadə edilən kran suyu müxtəlif çirkləri ehtiva edir. Onların arasında dezinfeksiya üçün istifadə edilən xlor, kalsium və maqnezium duzları, həmçinin az miqdarda qurğuşun, sink, stronsium kimi ağır metallar var. Hər təkrar qaynama ilə bu çirklər konsentrasiya olur.

Suyun buxarlanması prosesi onun həcmini azaldır, mineral duzlar və çöküntülər qalır ki, çaydanın divarlarında görünür. Bu birləşmələr kiçik miqdarda sağlamlıq üçün təhlükəsiz olsalar da, zamanla onların konsentrasiyası nəzərə çarpır. Bundan əlavə, suda olan üzvi birləşmələr qızdırılanda xlorla qarşılıqlı təsir göstərərək zəhərli maddələr əmələ gətirə bilər.

Bu proseslər kiçik miqyasda baş versə də, yenə də suyun keyfiyyətini aşağı salır. Su iki dəfə və ya daha çox qaynadılırsa, orqanizmə faydası azalır. Təkrar qaynama qalan faydalı mineralları məhv edir və belə su hələ də susuzluğu yatırsa da, onun xüsusiyyətləri daha az dəyərli olur.

Mütəxəssislər istifadə etməzdən əvvəl çaydanı mütəmadi olaraq təmizləməyi və suyu yalnız bir dəfə qaynatmağı məsləhət görürlər. Qaynama müddəti məsələsi də vacibdir. Mənbə suyunun keyfiyyəti şübhə doğurursa, onu ən azı beş dəqiqə qaynatmaq lazımdır. Hepatit B virusu kimi daha davamlı mikroorqanizmləri məhv etmək üçün 30 dəqiqəyə qədər vaxt lazım olacaq. Botulizm sporları yalnız altı saat qaynadıqdan sonra ölür.