Mikrodalğalı soba bakteriyaları öldürür, yoxsa...? | Təhlükəyə qarşı effektiv yol

Mikrodalğalı soba yeməklərin tez və asan şəkildə qızdırılması üçün mətbəxdə əvəzolunmaz alət hesab edilir. Lakin bu cihazın gigiyenası və düzgün istifadəsi ilə bağlı tez-tez suallar yaranır.

Mikrodalğalı soba bakteriyaları öldürürmü? Yoxsa onların yayılmasına şərait yaradır?

Mikrodalğalı soba elektromaqnit dalğaları vasitəsilə yeməkləri isidir. Bu dalğalar su molekullarını hərəkətə gətirərək istilik yaradır. Yüksək temperaturda bakteriyalar məhv ola bilər, lakin bu, yeməyin hər yerində bərabər şəkildə istiliyin yayılmasından asılıdır. Əgər yemək qeyri-bərabər qızdırılırsa və bəzi hissələr yetərli dərəcədə isti olmursa, xüsusilə salmonella və ya E.coli kimi təhlükəli bakteriyalar bakteriyalar sağ qala bilər.

Ekspertlərin sözlərinə görə, sobaların müntəzəm təmizlənməsi və yeməklərin diqqətli şəkildə və ən azı 75°C temperaturda qızdırılması ilə bu risklərin qarşısını almaq mümkündür.