Qərbi Azərbaycanın yaddaş məkanları: Şəki kəndinin tarixi

“Yoxa çıxmış sivilizasiya – Gözə dəyməyən fəlakət” tarixi araşdırması çərçivəsində Qərbi Azərbaycanın yaşayış məntəqələrinin tarixini, əhalisini və maddi-mədəni irsini sənədləşdirən xüsusi layihənin ilk materiallarından biri Şəki kəndinə həsr olunub.

Hazırda Ermənistanın Sünik vilayətində yerləşən kəndin adı ən azı XVI əsrin sonlarından yazılı mənbələrdə qeyd olunur. Rusiya imperiyası dövrünün sənədlərində əsasən “Şəki”, bəzi mənbələrdə və sovet dövründə isə “Şaki” adı işlədilib.

Layihədə Şəki Zəngəzur bölgəsinin yaşayış məntəqələrindən biri kimi təqdim olunur. Kəndin tarixi Osmanlı reyestrləri, Rusiya imperiyasının statistik nəşrləri, Azərbaycan və Ermənistan arxiv sənədləri, erməni müəlliflərin tədqiqatları, mətbuat materialları, epiqrafik mənbələr və 2021-2024-cü illərdə aparılmış çöl tədqiqatları əsasında araşdırılır.

Müxtəlif dövrlərə aid statistik məlumatlarda kənddə azərbaycanlıların əcdadlarının, sonrakı dövrdə isə azərbaycanlıların yaşadığı göstərilir.

Araşdırmada 1918-ci ildə Zəngəzurda baş vermiş hadisələrə, Şəki kəndinin əhalisinin kəskin azalmasına, Zəngəzurun inzibati taleyinə və azərbaycanlıların sovet dövründə də Şəkidə yaşamasına dair məlumatlar təqdim olunur.

Layihənin Şəkiyə həsr edilmiş səhifəsində 36 yazılı mənbə və 53 foto təqdim olunur.