Qəzalı bina sakinlərinin şikayətinə niyə baxılmır? | Müvafiq qurumdan açıqlama
Binəqədi rayonu, 3-cü mədən, 121-ci korpusda yaşayan sakinlər illərdir qəzalı vəziyyətdə olan binada ömür sürürlər.
Onlar dəfələrlə aidiyyəti qurumlara müraciət etsələr də, indiyədək heç bir cavab almayıblar.
“Sakinlərin bir qismi artıq binanı tərk edərək kirayədə yaşayır. İçəridə yaşaya-yaşaya bina uçub tökülür. İritonnajlı maşınlar yoldan keçəndə evlər silkələnir”, – deyə sakinlərdən biri narazılığını dilə gətirib.
Məsələ ilə bağlı Binəqədi Rayon İcra Hakimiyyətindən bildirilib ki, bina xüsusi təyinatlı olduğu üçün onların bazasında deyil. Tikili Bakı Şəhəri Mənzil-Kommunal Təsərrüfatı Birliyinə məxsusdur.
Bakı Şəhər İcra Hakimiyyəti isə binanın qəzalı vəziyyətdə olduğunu təsdiqləyərək bununla bağlı Şəhərsalma və Arxitektura Komitəsinə rəsmi müraciətin edildiyini vurğulayıb.
Sonuncular isə bundan məlumatlı olduqlarını və yaxın zamanda sakinlərlə söhbət aparılacağını bildiriblər.
#Binəqədi rayonu teqi istifadə olunub
- FHN-dən Binəqədidə baş verən dəhşətli hadisə barədə açıqlama - Baku TV
- Binəqədidə yanğın baş verən ərazidən son görüntülər - Baku TV
- Külək yanğının söndürülməsinə mane olur | FHN hadisə yerində - Baku TV
- Binəqədidə yanğın hadisəsi | Baku TV hadisə yerində - Baku TV
- Binəqədi rayonu, ərazisində mebel sexində yanğın baş verib - Baku TV
