Qısa videolara baxmaq hansı problemləri yaradır? | Tədqiqatçılar elə şeylər açıqladı ki…

Çinli alimlər “TikTok” və digər onlayn platformalarda qısa videolara baxmağın insan beyninin vəziyyətinə təsirini araşdırıblar.

Mütəxəssislər sinir dövrələrinin fəaliyyətində və beyin toxumasının strukturlarında belə məzmundan asılılıqla bağlı dəyişikliklər aşkar ediblər.

Qısa video asılılığı fərdiləşdirilmiş video məzmunun nəzarətsiz istehlakı ilə xarakterizə olunur. Bu davranış modeli mənfi fiziki, psixoloji və sosial nəticələrlə, o cümlədən yuxu pozğunluğu, emosional tənzimləmə, diqqət və yaddaş problemləri ilə əlaqələndirilir.

Yeni tədqiqatda 17-30 yaş arası 111 tələbə iştirak edib, onların hamısı “TikTok” kimi qısa video platformalarının daimi istifadəçiləri olub. Bütün könüllülər nevroloji və psixiatrik pozğunluqların olmaması üçün diqqətlə yoxlanılıb. Tədqiqatçılar qısa videolara daha çox aludə olan insanların beyinlərində struktur və funksional anormallıqlar aşkar ediblər.

Həmçinin qısa video asılılığı ilə paxıllıq arasında əlaqə tapılıb. Paxıllıq səviyyəsi yüksək olan iştirakçılar belə videolara daha çox baxırlar.