"2 dəqiqəlik namaz olar?!" - TikTok-da hacını söyüb sonra namaz qılanlar... - AMİN

“Amin” verilişinin yeni buraxılışı yayımlanıb.

Proqramın budəfəki buraxılışında aktyor, rejissor Kamran Yunis və ilahiyyatçı Ağa Hacıbəyli ilə namaz ibadəti mövzusu müzakirə olunub.

Kamran Yunis verilişdə namazda səmimi olmağın önəmindən danışıb:

“Hər bir insan gördüyü işin mənasını dərk edərək onu icra etməlidir. Bunun əksi olarsa, həmin iş saxta olur. Elə insanlar görmüşəm ki, “2 dəqiqə namaz qılıb gəlirəm” deyirlər. Namaz necə 2 dəqiqəlik ola bilər?! Axı Allaha ibadət edirsən. Görəsən, həmin namaz nə dərəcədə səmimidir?”.

Namazın mahiyyətini dərk etməyin önəmindən söz açan Ağa Hacıbəyli bu ibadəti icra edərkən onun haqqını verməyin vacibliyini vurğulayıb:

“Namaz qılarkən Allahla bağ qurmaq çox önəmlidir. Onun haqqını vermək lazımdır. Namaz 2 dəqiqəlik ibadət deyil, biz onu 2 qəpiklik hala salmışıq. Əgər namazı ruhuna görə qılsaq, bizi çox yüksəklərə qaldıracaq”.