"3-cü mikrorayon dairəsi"ndə hərəkəti iflic edən problemlər - NECƏ OLMALIDIR?

“Necə olmalıdır?” rubrikasının yeni buraxılışı yayımlanıb.

Bu dəfə paytaxtın “3-cü mikrorayon dairəsi” kimi tanınan ərazisində sürücüləri narahat edən problemlə bağlı məlumat verilib.

Bildirilib ki, beş girişi və beş çıxışı olan dairənin Cavadxan küçəsi istiqamətindəki çıxışında işıqforun olması ciddi sıxlığa səbəb olur: “Nəqliyyat vasitələrinin Cavadxan küçəsi istiqamətindəki intensivliyi bir çox hallarda dairədəki hərəkəti iflic edir”.

Əlavə edilib ki, “3-cü mikrorayon dairəsi”ndə istər Ceyhun Səlimov, istər Asif Məhərrəmov, istərsə də Cavadxan küçələri istiqamətində sıxlıq günün istənilən saatında yaşanır:

“Sıxlığın yaranmasının əsas səbəbi dairəyə daxil olan nəqliyyat vasitələrinin say çoxluğundadır. Dairənin potensialı bu qədər nəqliyyat vasitəsinin ötürücülüyünə cavab vermir”.