Pleyeri seçin:
"ASAN Xidmət" işçilərinin peşə bayramıdır
Dekabrın 29-u “ASAN xidmət” işçilərinin peşə bayramı günü kimi qeyd edilir.
“ASAN xidmət” Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində dövlət başçısının 2012-ci il 13 iyul tarixli Fərmanına əsasən yaradılıb.
“ASAN xidmət” mərkəzlərinin fəaliyyəti operativlik, şəffaflıq, nəzakətlilik, məsuliyyət və rahatlıq prinsipləri əsasında qurulub. Hazırda ölkə ərazisində 26 "ASAN xidmət” mərkəzi fəaliyyət göstərir. Onlardan 7-si Bakıda, 2-si Gəncədə, 2-si Sumqayıtda olmaqla digərləri 14 rayon və Naxçıvanda yerləşir.
Növbəti “ASAN xidmət” mərkəzi Lənkəranda fəaliyyətə başlayacaq.
“ASAN xidmət” mərkəzlərində müxtəlif dövlət orqanları, həmçinin özəl şirkət və müəssisələr tərəfindən ümumilikdə 400-ə yaxın xidmət göstərilir. Keçirilən rəy sorğularına əsasən, vətəndaşların xidmətlərdən məmnunluq əmsalı 99,8 faiz təşkil edir.
Kopyalandı
#ASAN xidmət teqi istifadə olunub
Seçilmişlər
