Pleyeri seçin:
"Azərişıq" azad olunan ərazilərdə görülən işləri açıqladı
“Azərişıq” ASC-nin işğaldan azad olunan ərazilərdə artıq 932 abonenti var”.
Bu barədə “Azərişıq” ASC-nin Tədris və İnnovasiyalar Mərkəzinin direktoru Araz Məmmədzadə Hadrutda qurumun bu ilin 6 ayı üzrə görülmüş işlərə dair media nümayəndələri ilə görüşündə bildirib.
Onun sözlərinə görə, qeyd olunan abonentlərin 279-u qeyri-əhali abonent qrupunun payına düşür. İşğaldan azad olunan ərazilərdəki abonentlərin hamısı smart sayğaclarla təmin ediliblər: “Növbəti illərdə abonentlərin sayı daha çox artacaq”.
“Azərişıq” ASC-nin Texniki Departament direktoru Vüsal Qənbərov isə qeyd edib ki, təhlükəsizlik tədbirlərinin həyata keçirilməsi üçün 90 ədəd komplekt transformator məntəqəsində çəpərlənmə işləri yerinə yetirilib: “Tədbirlər Planına əsasən, salınmış 40 kəndin elektrik şəbəkəsinin yenilənməsi işləri üzrə 18 kənddə işlər yekunlaşıb, 22 kənddə işlər davam etdirilir”.
Kopyalandı
Seçilmişlər
