"Zülmlə almışdıq, bizim günahımız nədir?!" | Sakinləri zərərə salan hadisənin əsl səbəbi - Baku TV
Yeniliklərdən dərhal xəbərdar olun
Masazır qəsəbəsinin Xurşidbanu Natavan küçəsində avqustun 2-si səhər saatlarında elektrik gərginliyinin 420 volta yüksəlməsi nəticəsində 15 həyət evində müxtəlif məişət avadanlıqları sıradan çıxıb.
Sakinlərin sözlərinə görə, hadisədən sonra əraziyə baxış keçirilsə də, dəymiş zərərin qarşılanmayacağı bildirilib.
“Qabyuyan maşın, mikrodalğalı soba, televizor yanıb. Bütün qonşularda vəziyyət belədir”, – sakinlərdən biri bildirib.
“Mən bunları güclə, kreditlə almışam. Burada 15 həyət evi var. 15 evin hamısında bir şey yanıb. İndi bizim günahımız nədir? Heç nəyi düzəldə bilmirik. Bizim bir xahişimiz var, gəlib bir əlac etsinlər”, – başqa bir sakin deyib.
Məsələ ilə bağlı “Azərişıq” ASC-dən bildirilib ki, əraziyə baxış keçirilib və sözügedən küçədə heç bir qəza halı qeydə alınmayıb:
“Vətəndaşın avadanlıqlarındakı nasazlıq mənzilin daxilində yaranan problemdən qaynaqlanıb. Bununla belə, vətəndaşa yerində texniki köməklik göstərilib və problem aradan qaldırılıb”.
#Masazır teqi istifadə olunub
- Masazırda qorxulu vəziyyət | Bu yol təhlükə saçır - Baku TV
- “Belə faciəni düşünmək də çətindir” | Masazırda yüzlərlə şagird risk altındadır - Baku TV
- Masazırda ev sövdələşməsi: 92 min manatın aqibəti necə oldu? - Baku TV CANLI
- Dirəklər quraşdırılıb, amma işıq yoxdur? | Eyni küçədə problemlər niyə qalır? - 24 SAAT
- Masazırda yaşayış evləri niyə böyük təhlükə riski ilə üz-üzədir? - Baku TV CANLI
