"Bu qədər iti hara aparım?!" | 400 heyvan sığınacaqdan niyə çıxarıldı? - Baku TV

Zaqatalada fəaliyyət göstərən heyvan sığınacağının bağlanma təhlükəsi ilə üzləşməsi narahatlıq yaradıb.

Sığınacağın sahibi Nizami Ramazanovun sözlərinə görə, illik 4000 manat icarə haqqı ödənilən ərazidə hazırda 400-ə yaxın it saxlanılır.

Heyvansevər vurğulayıb ki, burada əsasən Zaqatala və ətraf rayonlardan maşın vurmuş, güllələnmiş və müxtəlif səbəblərdən köməyə möhtac vəziyyətdə olan heyvanlar yerləşdirilir.

Bildirilib ki, ərazi sahibi torpağı daha yüksək qiymətə satışa çıxardığı üçün sığınacağın boşaldılması tələb olunub. Sığınacaq rəhbərliyi isə bu məbləği ödəmək imkanlarının olmadığını, həmçinin yüzlərlə itin köçürülməsi üçün alternativ ərazi tapılmadığını deyir.

Qeyd olunub ki, əgər yeni ərazi ayrılmasa, yüzlərlə itin birdən-birə buraxılması böyük təhlükə və fəlakətə səbəb ola bilər.

Sığınacaq sahibi aidiyyəti qurumlara, iş adamlarına və heyvansevər şəxslərə müraciət edərək dəstək istəyib.