site.post.choose_player
"Nə oldu yeyirik" | Səfalət içində qalan qoca ər-arvadı niyə hamı atıb? - ARZUNUN VAXTI
“Arzunun vaxtı” verilişinin budəfəki qəhrəmanları yoxsulluqdan əziyyət çəkən Bəyimxanım Ələkbərova və Əbdül Ələkbərov cütlüyü olub.
Oğlunun narkotik maddəyə görə tutulduğunu deyən yaşlı qadın yaşadığı çətinliklərdən söz açıb:
“Oğlum mənə yaxşı baxırdı. Amma narkotikə görə həbsə düşdü. Ondan ötrü çox narahatam. Özüm xəstə adamam, gözlərim tutulub. Yeməyi bizə qonşular gətirirlər. Soyuducumuz boşdur. Banka da 4500 manat borcumuz var. Həmin məbləği pensiyamızdan çıxırlar deyə özümüzə 90 manat pul qalır”.
Əbdül Ələkbərov isə gənclikdə özünün də narkotik istifadəçisi olduğunu, amma zamanla bu pis vərdişindən əl çəkdiyini söyləyib.
“Dostları oğlumu yoldan çıxardılar. Ona nə qədər nəsihət etsəm də, pis vərdişindən əl çəkmədi. Uşağımı əziyyətlə böyütmüşdüm. O, tək ümidim idi”, – deyə Əbdül dayı əlavə edib.
site.post.link_copied
site.post.chosen_posts
