"Nine Senses" incəsənət mərkəzində harmonik sərgi keçirildi

“Nine Senses” incəsənət mərkəzində rəssam-kosmoqraf və astropsixoloq Fərhad Sadıxovun “Həyat dairəsi” adlı sərgisinin açılışı olub.

Bu, oktyabrın 6-dan 8-dək Bakıda keçiriləcək “Nine Senses Fest” böyük beynəlxalq festival ərəfəsində ilk tədbirdir və bu tədbirlə festivalın təməl daşı qoyulub. İncəsənət mərkəzi beynəlxalq və azərbaycanlı ekspertlərlə görüşlərin keçiriləcəyi, təcrübə mübadiləsi aparılacağı, onların fiziki və mənəvi təcrübələrinin bölüşüləcəyi məkana çevriləcək.

“Bu gün biz 5 mandala təqdim edirik. Bu, mənim inkişaf etdirdiyim müasir incəsənətdə yeni bir istiqamətdir və qədim ornamentlərə əsaslanır. Praktiki olaraq bu əsərlər vasitəsilə qədim zodçix sənətini yenidən canlandırmağa cəhd etmişəm. Üstəlik, həm ekzasensorika, həm də enerji baxımından bu əsərlərin hər biri güclü enerjiyə malikdir. Yəni biz onlara baxdığımız zaman bizə dinclik, rahatlıq verir. Bu gün açılış zamanı kristalların şəklin enerjisinə necə reaksiya verəcəyi ilə bağlı bir təcrübə göstərəcəyəm”, – rəssam-kosmoqraf Fərhad Sadıxov deyib.

Sərgi dairənin arxetipik rəmzinin ekspozisiya ilə əlaqəsi üzərində qurulub. O, kainatın əbədiliyini və sonsuzluğunu, Günəşi tərənnüm edir. Burada hər bir əsərin özünəməxsus ətri, səsi var, eyni zamanda özünəməxsus vibrasiya enerjisi yayır. Sərgi ona diqqətlə baxdıqda sülh və harmoniya gətirmək gücünə də malikdir.