"Qala" qoruğunda Novruz şənliyi keçirilib - Baku TV

“Qala” Dövlət Tarix-Etnoqrafiya Qoruğunda Novruz bayramı münasibətilə “Novruz qalası” adlı festival təşkil olunub.

Festival çərçivəsində ziyarətçilərə milli adət-ənənələr nümayiş etdirilib, həmçinin bayram süfrəsinin əsas atributları olan paxlava, şəkərbura və qoğalın hazırlanma prosesi təqdim edilib.

Tədbir iştirakçıları müxtəlif bölgələrə məxsus folklor nümunələri və qədim sənət növləri ilə də tanış olublar.

Qoruğa gələn ziyarətçilər təşkil olunan tədbirlərdən məmnun qaldıqlarını ifadə ediblər.

Sakinlərdən biri qeyd edib ki, Qala kəndində keçirilən Novruz şənlikləri hər zaman yüksək səviyyədə təşkil olunur.

Onun sözlərinə görə, festival zamanı qədim evlərlə tanış olub, milli adət-ənənələr haqqında ətraflı məlumat əldə ediblər.

Həmçinin ziyarətçilər Novruzun rəmzi ənənələrindən biri olan niyyət tutaraq onu ağaca bağlama mərasimində də iştirak ediblər.