"SKY Cinema"nın növbəti filialı fəaliyyətə başlayıb

Azərbaycanda fərqli film nümayişi ilə seçilən “SKY Cinema”nın Bakı “Su İdman Sarayı”nda növbəti filialının açılışı olub.

Tədbirdə müxtəlif qonaqlar, kino həvəskarları iştirak edib. 60 nəfərlik izləyici sayına malik “SKY Cinema”da hazırda dünyanın ən məşhur filmləri rus və türk dillərində nümayiş olunur.

Açıq havada film izləməyi sevənlər üçün də kino mərkəzində xüsusi yerlər hazırlanıb. Bundan əlavə, “SKY Cinema” radio dalğası vasitəsilə izləyicilər öz avtomobillərindən düşmədən film izləyə bilərlər.

Layihənin sonrakı mərhələsində istedadlı gənclərin iştirakı ilə müxtəlif konsert, mədəni-kütləvi proqramlarının keçirilməsi nəzərdə tutulur. Xüsusi istedada malik olan gənclər bir araya toplanaraq musiqi bacarıqlarını genişləndirmək imkanı əldə edəcəklər.

Proqramın digər məqsədi gənclərimizin mədəni tədbirlərdə aktiv iştirakına nail olmaqdır.

Qeyd edək ki, ölkəmizdə ilk avtosinema formatında fəaliyyət göstərən “SKY Cinema”nın digər filialı Buzovna qəsəbəsindəki Delmar Çimərliyi ərazisindədir.