Sabiq deputat Hadı Rəcəbli dünyasını dəyişdi

Sabiq millət vəkili Hadı Rəcəbli vəfat edib. O, aprelin 17-də 76 yaşında dünyasını dəyişib.

Azərbaycanda ilk siyasi elmlər namizədi olmuş professor Hadı Rəcəbli 1947-ci il oktyabrın 25-də Lənkəranın Viravul kəndində anadan olub.

O, Azərbaycan SSR Ali Sovetinin, müstəqillik illərində isə Azərbaycan Milli Məclisinin deputatı olub.

9 kitabın və 220-dən çox elmi-publisistik məqalənin müəllifidir. Yeni Azərbaycan Partiyası Siyasi Şurasının üzvü olub.

Müxtəlif illərdə Vətənə xidmətlərinə görə “Şərəf nişanı”, “Şöhrət” ordeni və ikinci dərəcəli “Vətənə xidmətə görə” ordeni ilə təltif edilib.