Seldən zərər görən Göyçay sakinlərinə kömək edən yoxdur

Avqustun 26-da İsmayıllıda yağan güclü yağış nəticəsində yaranan sel Göyçayda da bir sıra fəsadlar törədib. Rayonun Yuxarı Qaraməryəm kəndində evləri zərər görən sakinlər isə qonşu evlərə sığınmaq məcburiyyətində qalıblar.

Sakinlərin sözlərinə görə, təbii fəlakətdən sonra aidiyyəti qurumlar tərəfindən əraziyə baxış keçirilsə də, problemin aradan qaldırılması üçün heç bir tədbir görülməyib.

“Mənim evim, taxılım, maşınım, uşaqlarım suyun içində qalıb. Heç kim bizə yardım etməyib”, – deyə keçmiş məcburi köçkün Ramin İsayev şikayətlənib.