Sənədsiz torpaq sahələri barədə mühüm açıqlama

Qanunvericiliyə edilən dəyişikliyə görə, 2023-cü ilin oktyabrın 1-dən sonra tikilən evlərin tikintiyə icazə sənədi olmadığı halda fərdi və qeyri-yaşayış evləri elektrik, istilik enerjisi, qaz və su təchizatı şəbəkələrinə qoşulmur.

İcazə sənədi üçün isə başlıca tələb torpaq sahəsinin çıxarışının olmasıdır.

O zaman sual yaranır, sənədsiz torpaqların aqibəti necə olacaq? Dəyişiklik qiymət artımına səbəb olacaqmı?

Ekspertlərin sözlərinə görə, sənədli torpaq sahələrinin satış qiymətində artım müşahidə olunur və qiymətlərin daha da yüksələcəyi ehtimal edilir.

Bir sözlə, artıq torpaq sahələri və fərdi ev alarkən yüz ölçüb bir biçmək lazım gələcək. Əks təqdirdə, onun işıq, su və qazla təchizatı mümkün olmayacaq.