Sevərək yediyimiz bu yeməklər necə xərçəng xəstəliyinə səbəb olur?

Bəzi yağlar yüksək temperaturda kanserogenlərə və digər zəhərli maddələrə parçalanır.

Həkimlər qidaları qızardanda istifadə edilən ən təhlükəli yağların bir neçəsinin adını çəkiblər.

Nəzərə almaq lazımdır ki, yüksək temperaturda bəzi bitki yağları dəyişikliklərə məruz qalır, zərərli trans yağların mənbəyinə çevrilir. Bu trans yağlar orqanizmdə toplana və müxtəlif xəstəlikləri inkişaf etdirə bilər.

Qızartma riskini minimuma endirmək üçün yağın tüstülənmə nöqtəsini bilməlisiniz. Bundan sonra o, kanserogen və trans yağların mənbəyinə çevrilir. Bu temperaturun mümkün qədər yüksək olması çox vacibdir.

Salat hazırlamaq üçün faydalı hesab edilən yağlar ən aşağı tüstü nöqtəsinə malikdir. Məsələn, sağlam həyat tərzinin tərəfdarları arasında məşhur olan “Extra Virgin” zeytun yağı tüstülənməyə başlayır və artıq 160 dərəcə Selsidə kanserogen mənbəyinə çevrilir ki, bu da onu qızartmaq üçün yararsız edir.

Qızartmaq üçün ən təhlükəsiz yağlar arasında həkimlər tüstülənmə nöqtəsi 252 dərəcə Selsi olan kərə yağı, həmçinin 232 dərəcə Selsidə tüstülənməyə başlayan təmizlənmiş kokos yağını məsləhət görürlər.

Üçüncü yerdə isə tüstülənmə nöqtəsi 232 dərəcə Selsi olan təmizlənmiş günəbaxan yağıdır. Bununla belə, təmizlənməmiş günəbaxan yağı 107 dərəcə Selsidə tüstülənməyə başladığı üçün ehtiyatla istifadə edilməlidir.