Siyavuş Novruzov saxta məlumatlardan şikayətləndi

“İnformasiyanın qorunması, saxlanılması, ötürülməsi bu gün üçün aktual məsələdir. Bu sahədə qanunvericilik bazamızı daha da sərtləşdirməliyik”.

Bunu Milli Məclisin Regional məsələlər komitəsinin sədri Siyavuş Novruzov parlamentin plenar iclasında çıxışı zamanı deyib.

Onun sözlərinə görə, hazırda Azərbaycanda dezinformasiya geniş yayılıb: “Misal olaraq, deputat Fazil Mustafaya qarşı edilən sui-qəsdi hər kəs bir tərəfə yönləndirir. İnsan sağlamlığı uğrunda mübarizə apardığı dövrdə onun barəsində yalan informasiyaların yayıldığını da görür. Bu kimi yalan informasiyaların qarşısını almaq üçün lazımi addımlar atıb qanunları sərtləşdirməliyik”.