Şizofreniya xəstəsi qızın çarəsiz anası fəryad etdi | Evimi də satdım, amma...
Paranoid şizofreniya xəstəsi olan qadının pensiyasının kəsildiyi iddia olunur.
Bu barədə xəstəlikdən əziyyət çəkən Könül Şeydayevanın anası Zeynəb Qulamova Baku TV-yə danışıb.
Onun sözlərinə görə, qızı 2015-ci ildə ikinci övladını qeysəriyyə yolu ilə dünyaya gətirib və əməliyyat zamanı sinirlərinə zərər verilib. Nəticədə qızı şizofreniya xəstəsi olub:
“İki azyaşlı oğlu var. Onlara baxa bilmir. İl boyu xəstəxanalarda müalicə alır, amma heç bir xeyri yoxdur. Qızıma görə evimi də satmışam”.
Z.Qulamova qızının pensiyasının 2023-cü ilin sentyabr ayından kəsildiyini qeyd edib:
“2023-cü ilin dekabr ayında müraciətimizə yenidən imtina gəldi. Qızımı ağır vəziyyətdə Əmək və Əhalinin Sosial Müdafiəsi Nazirliyinə apardım. Dedilər ki, narahat olmayın, qızınızın pensiyası bərpa olunacaq”.
Xəstənin anası bildirib ki, Səhiyyə Nazirliyinə də məsələ ilə bağlı müraciət etsə də, həlli üçün bir tədbir görülməyib.
![icon](/images/loading.png)