“Sovetski”də quyular aşkarlandı | Hərəsi bir tarixi abidədir

Paytaxtın mərkəzində, hər kəsin “Sovetski” kimi tanıdığı ərazidə quyular aşkarlanıb.

Sözügedən quyuların tarixi əhəmiyyəti bəlli olmasa da, ərazidəki söküntü işləri dayandırılıb.

Sakinlər açılan quyuların içindən su getdiyini bildirib.

“Quyuların özü hərəsi bir tarixi abidədir. Hər adam bu quyuları qaza bilməz”, – sakin deyib.

Məsələ ilə bağlı Mədəni İrsin Qorunması, İnkişafı və Bərpası üzrə Dövlət Xidmətindən bildirilib ki, söküntü işləri aparılan əraziyə qurumun əməkdaşları tərəfindən baxış keçirilib:

“Baxış zamanı aparılan işlər aidiyyəti dövlət orqanları ilə birgə dayandırılıb. Ərazinin tarixi və arxeoloji əhəmiyyətini müəyyən etmək üçün mütəxəssislərin cəlb edilməsi qərarı alınıb. Veriləcək rəy nəticəsində müvafiq addımlar atılacaq”.