Pleyeri seçin:
Sümüklər görün nələrdən düzəldiləcək | Hamının danışdığı yeni üsul
İsveç Universitetinin alimləri sümüklərin bərpası üçün yeni, təhlükəsiz üsul kəşf ediblər.
Bildirilir ki, tədqiqatın rəhbəri doktor Sabrina Kopf bakteriyaların yaratdığı liflərdən biotekstil hazırlayıb.
Bu material böyük sümük defektlərinin müalicəsində istifadə oluna bilər və başqa bədən hissəsindən sümük köçürülməsinə ehtiyacı azaldır.
S.Kopf öz tədqiqatında bakteriyaların istehsal etdiyi polihidroksialkanoat (PHA) adlı bioplastiki araşdırıb və ona kalsium fosfat əlavə edərək sümük hüceyrələrinin tanıya biləcəyi möhkəm liflər hazırlayıb.
Laboratoriya testləri göstərib ki, sümük hüceyrələri bu liflərə uğurla yapışır və sağlam qalır. Yeni texnologiya tullantılardan hazırlanır, təbiətdə tamamilə parçalanır, mikroplastik yaratmır.
Sabrina Kopf bildirib ki, bu iş yalnız biotibb sahəsində deyil, həm də BMT-nin dayanıqlı inkişaf məqsədlərinə töhfə verir. O, gələcəkdə bu texnologiyanın inkişafı üzərində işləməyə davam edəcəyini vurğulayıb.
Kopyalandı
Seçilmişlər
