Sürücülərə xəbərdarlıq edildi | Bəzi yollar buz bağlayıb

Şaxtalı hava şəraiti ilə əlaqədar respublikanın bəzi avtomobil yollarında problemlər yaşanmaqdadır.

Sosial şəbəkələrdə yayılan görüntülərdə qeyd olunub ki, Bakı-Şamaxı-İsmayıllı yolu buz bağlayıb. Qobustan ərazisində, Muğanlı-İsmayıllı yolunda avtomobillər yolda qalıb. İsmayıllı-Muğanlı yolunda bir neçə avtomobilin iştirakı ilə qəza baş verib.

Avtomobil Yolları Dövlət Agentliyi isə bununla bağlı sürücülərə xəbərdarlıq edib:

“Buz bağlayan yollara duz, qum səpilsə də, sürücülər ehtiyatlı olmalı, getdikləri yerlərə uyğun hava şəraitini, meteoroloji amilləri nəzərə almalıdırlar”.