Suya bu qədər pul vermək olar? - Qiymətlərin "əl yandırmasının" əsl səbəbi

Dövlət Statistika Komitəsinin məlumatına görə, 2025-ci ilin fevral ayında 2024-cü ilin eyni dövrünə nisbətən mineral suların satış qiymətində 5,4 faiz artım müşahidə olunur.

Maraqlıdır, ölkədə istehsal olunan və əsas xammalını yeraltı sərvətlər təşkil edən bu məhsulların bahalaşmasına səbəb nədir?

İqtisadçı Xalid Kərimli qiymət artımını məhsulun daşıma xərclərinin artması ilə əlaqələndirir.

“Minimal əməkhaqqının artırılması da qiymət artımına səbəb olur. Belə ki, bu artım sahibkarın da xərcini artırır. Bu da məhsulun maya dəyərinin yüksəlməsinə gətirib çıxarır”, ‒ deyə iqtisadçı bildirib.

Lakin marketlərdə qiymətləri dəyişməyən məhsullara da rast gəlmək mümkündür. Onların arasında məşhur markalara aid məhsullar da var. Belə məhsulların yarım litrinin qiyməti 40 qəpikdən başlayır.