Taksilər buna görə cərimələnə bilər

Yanvarın 1-dən sərnişin və yük daşıma qaydalarının pozulmasına görə yeni cərimələr qüvvəyə minib.

Yeni qaydaya əsasən, buraxılış kartı olmadan fəaliyyət göstərən taksi, qeyri-müntəzəm sərnişin daşıyan və yük avtomobilləri sürücüləri müvafiq olaraq 40 və 50 manat məbləğində cərimələnəcəklər. Lakin aidiyyəti qurumlar tərəfindən bu kateqoriyadan olan sürücülərə buraxılış vəsiqəsi paylanmayıb. Bu isə o deməkdir ki, hələ ki, hansısa cərimədən söhbət gedə bilməz.

Ekspertlərin sözlərinə görə, cərimələri tətbiq edəcək dövlət orqanı da müəyyən edilməyib.