Tarixi Niyal qalasında qanunsuz qazıntı işləri aparan şəxslər kimlərdir? - Baku TV
Baku TV-nin 2025-ci ilin iyul ayında haqqında süjet hazırladığı İsmayıllı rayonunun Lahıc qəsəbəsi ərazisində yerləşən tarixi Niyal qalasında qanunsuz qazıntı işlərinin aparılması ilə bağlı aidiyyəti dövlət qurumları tərəfindən addımlar atılıb.
Mədəni İrsin Qorunması, İnkişafı və Bərpası üzrə Dövlət Xidmətinin məlumatına görə, ölkə əhəmiyyətli arxeoloji abidə kimi dövlət mühafizəsində olan Niyal qalasında qanunsuz qazıntı işləri aparan şəxslər müəyyən edilərək məsuliyyətə cəlb olunub.
Araşdırmalar zamanı məlum olub ki, Namiq Şahmalıyev və Sabit Novruzov qabaqcadan əlbir olaraq dəfinə axtarmaq məqsədilə 9-12-ci əsrlərə aid Niyal qalasının Qərb bürcü ərazisində qanunsuz qazıntı işləri aparıblar. Nəticədə, abidənin qala divarına ciddi ziyan vurulub, qalanın müşahidə məntəqəsinin bir hissəsi dağıdılıb.
Faktla bağlı cinayət işi başlanılıb, ibtidai istintaq tamamlanaraq iş baxılması üçün məhkəməyə göndərilib. Hazırda məhkəmə istintaqı davam edir.
#İsmayıllı rayonu teqi istifadə olunub
- Qəza zamanı köməksiz qalan şəxslər xilas edildi - Baku TV
- “Burada kişi qalmayıb” | Azərbaycanın kəndində ölənlərlə bağlı heyrətə gətirən hadisə
- İsmayıllıda səhlənkarlıq böyük faciəyə səbəb oldu
- Nənələr çəkilişdə dalaşdı | İlk dərsin qəbiristanlıqda keçirildiyi kənd - KƏNDİNƏ QAYIT
- İsmayıllıda batan gəncin meyiti sudan çıxarıldı | Hadisə yerindən görüntülər
