Tarixin ümidinə qalan unikal məbəd

Balakənin Roçəhməd və Əyri Tala kəndlərinin yaxınlığında yerləşən ərazidə inşa edilən tarixi məbəd demək olar ki, tarixdən silinmək üzrədir.

V-IX əsrlərə aid edilən bu abidə erkən xristian məbədlərindəndir.

Tarixçi Akif Məmmədlinin sözlərinə görə, 1500 illik unikal məbəd bu günə qədər qeydiyyata alınmadığı üçün diqqətdən kənarda qalıb.

“Təəssüf ki, abidə əkin yerinin içində qalıb və yaxınlığında mühafizə ərazisi yoxdur. Xəzinə axtarıcıları tərəfindən məbədin əsas elementləri olan künc daşları, pəncərə altlıqları, giriş hissəsi, portal daşı tamamilə tələf edilib”, – deyə o qeyd edib.