TƏBİB quduzlaşdığı deyilən azyaşlı ilə bağlı açıqlama yaydı

Xəstəxanaların birində lentə alınan görüntülərdə azyaşlının it dişləməsi səbəbindən tibb müəssisəsinə yerləşdirildiyi bildirilir.

Yemək yeyərkən onun hərəkətləri diqqəti cəlb edib və həkimlərdən biri dərhal azyaşlını videoya çəkib.

TƏBİB it dişləyən uşaqla bağlı açıqlama yayıb. Qurumdan verilən məlumata görə, Balakən qeydiyyatında olan, Sumqayıtda məskunlaşan 2016-cı il təvəllüdlü Tunar Mirqafarov ailə üzvləri ilə birlikdə iyulun 8-də ağır vəziyyətdə TƏBİB-in tabeliyindəki Sumqayıt Tibb Mərkəzinin Uşaq Xəstəxanasına daxil olub. Baş, qol və kürək nahiyələrindən xəsarətlər alan Tunar Mirqafarova ilkin tibbi yardım göstərilib, vəziyyəti stabildir.

Bildirilib ki, xəstədə heç bir quduzluq əlaməti yoxdur. Pasiyentin xəstəxananın müvafiq şöbəsində müalicə alması yaralarının dərin olması ilə əlaqədardır.