Vüqar Hüseynov Moskvada baş verən hadisədə insanları xilas edib

Rusiyanın Moskva vilayətindəki “Crocus City Hall” konsert mərkəzinə edilən terror hücumu zamanı dünyasını dəyişən soydaşımız Vüqar Hüseynov insanları xilas etməyə çalışıb.

Bununla bağlı “Telegram” kanallarında məlumat paylaşılıb. Bildirilib ki, Vüqar hadisə yerindən qaçmayıb və insanlara kömək etmək qərarına gəlib. O, insanları gülləbarandan qorumaq üçün masalardan barrikadalar qurub.

Bunu hadisə şahidlərindən birinin lentə aldığı videodan da görmək mümkündür. İddia olunur ki, videogörüntülərdə yaşıl gödəkçədə əks olunan şəxs Vüqar Hüseynovdur.

Qeyd edək ki, hücum zamanı Vüqar Hüseynovla yanaşı, həyat yoldaşı Lilit İsraelyan da dünyasını dəyişib. Onların yaş yarımlıq uşağının da hadisə yerində olduğu iddia edilir. Lakin bu məlumat hələ ki rəsmi təsdiqini tapmayıb.