Xankəndi şəhərində Diaspor Gənclərinin VI Yay Düşərgəsinin açılış mərasimi keçirilib

Xankəndidə Diaspor Gənclərinin VI Yay Düşərgəsinin açılış mərasimi keçirilib.

Mərasimdə rəsmi şəxslər, tanınmış elm, mədəniyyət və incəsənət xadimləri iştirak ediblər.

Diasporla İş üzrə Dövlət Komitəsi və Heydər Əliyev Fondunun birgə təşkilatçılığı ilə “Konstitusiya və Suverenlik İli”nə həsr olunmuş tədbirə dünyanın 61 ölkəsindən 128 azərbaycanlı və Azərbaycana dost münasibəti bəsləyən xalqların gəncləri qatılıb.

İştirakçılar proqram çərçivəsində rəsmi şəxslər və diplomatlarla, müxtəlif sahələr üzrə ekspertlərlə, şəhid ailələrinin üzvləri və qəhrəman qazilərimizlə görüşəcək, Qarabağla daha yaxından tanış olacaq, əyləncəli proqramlarda və intellektual oyunlarda iştirak edəcəklər.

Diaspor Gənclərinin VI Yay Düşərgəsi avqustun 9-na qədər davam edəcək.

Qeyd edək ki, yay düşərgələri bundan əvvəl Şəki, Şamaxı, Şuşa, Naxçıvan və Laçın şəhərlərində təşkil olunub.