Xarici şirkətlərin minatəmizləmə əməliyyatlarında iştirakı

“Ermənistan işğal dövründə bir milyondan çox mina basdırıb və 2020-ci ilin noyabrında müharibə bitəndən bəri demək olar ki, 300 azərbaycanlı mina səbəbindən həlak olub və ya ciddi xəsarət alıb”.

Bunu Prezident İlham Əliyev martın 13-də Berlində Almaniyanın aparıcı şirkətlərinin rəhbərləri ilə görüşdə deyib.

“Biz bu yaxınlarda müxtəlif ölkələrdən, o cümlədən Avropa ölkələrindən avadanlıq almışıq. Hətta indi havadan minanı aşkar edə bilən dronlardan istifadə edirik. Xarici şirkətləri minatəmizləmə əməliyyatlarını həyata keçirmək üçün dəvət etmək istəyəndə minatəmizləmə əməliyyatları üçün qiymət yerli qiymətlərlə müqayisədə çox yüksək idi. Bir kvadratmetrin minalardan təmizlənməsi üçün Avropada olan qiymət bizim milli minatəmizləmə agentliyinin işi aparmağa hazır olduğu qiymətdən bir neçə dəfə çox idi”, - deyə İ.Əliyev qeyd edib.

Dövlət başçısı əlavə edib ki, bu yaxınlarda ölkəmizdə də bir neçə minatəmizləmə şirkəti fəaliyyətə başlayıb.