Xəstə arvadını atan ər aparıcıya nə dedi? - Nənə küçədə banka yığıb ailəyə baxır | ARZUNUN VAXTI

“Arzunun vaxtı”nda bu dəfə müəllif və aparıcı Arzu Kəlbi qaraciyər xəstəliyindən əziyyət çəkən Gülər Məmmədovanın evində olub.

G.Məmmədova verilişdə əməliyyat zamanı onunla maraqlanmayan ərinin laqeydliyindən gileylənib.

“Qardaşım mənə qaraciyərini verdi. Həmin dövrdə xəstəxanada tək qaldığım üçün çox pis oldum. Yoldaşım nə mənə, nə də övladlarıma sevgi göstərirdi. Uşağımın “Əlifba bayramı”na pul lazım idi. “Özün ver” deyərək mənə əl qaldırdı. Bunu ona bağışlaya bilmirəm”, ‒ o söyləyib.

Gülər Məmmədovanın anası Bibinisə Əliyeva proqramda qızı üçün etdiyi fədakarlıqlardan danışarkən bildirib ki, övladının müalicəsindən ötrü yollardan banka toplayıb satır:

“Uşaqlar ev tikmək üçün kredit götürdülər, yoldaşımla pensiyamızı ora veririk, pulumuz qalmır. Qızım müalicə olunur, ona görə banka yığıb satıram ki, balama yardım edək”.