Xəzər rayonunun şəhər xəstəxanasında travmatoloq problemi | "Yarım iş vahidində çalışır"
Sosial şəbəkələrdə Xəzər rayonu, Mərdəkan qəsəbəsində yerləşən 26 saylı Birləşmiş Şəhər Xəstəxanasında travmatoloq çatışmazlığı ilə bağlı paylaşım geniş müzakirələrə səbəb olub.
İddialara görə, xəstəxanada yalnız bir həkim-travmatoloq çalışır və o da günorta saat 12-yə qədər xəstəxanada olur. Günün ikinci yarısında isə travmatoloji yardıma ehtiyacı olan xəstələr xidmət ala bilmir.
Baku TV məsələni aydınlaşdırmaq adıçəkilən xəstəxanada olub.
Tibb mərkəzinin şöbə müdiri Vəsilə Əliyeva bildirib ki, hazırda xəstəxanada yalnız bir travmatoloq – Cavid Cəfərov fəaliyyət göstərir:
“O, yarım iş vahidində çalışır və gün ərzində orta hesabla 4-5 xəstə qəbul edir. Təcili hallarda pasiyentlər əvvəlcə acil şöbəyə müraciət edirlər, ilkin tibbi yardım göstərildikdən sonra isə aidiyyəti tibb müəssisələrinə yönləndirilirlər. Həkim-travmatoloq vəzifəsi üzrə vakansiya açılıb”.
Mövzu ilə bağlı TƏBİB-dən bildirilib ki, qurum vəziyyətdən xəbərdardır. Doğrudan da adıçəkilən xəstəxanada yalnız bir travmatoloq çalışır və gündəlik müraciətlərin sayı yüksək deyil.
Qurumdan əlavə edilib ki, xəstəxanada həkim-travmatoloq vakansiyası mövcuddur.
#Xəzər rayonu teqi istifadə olunub
- "Autizmli uşağını dəfələrlə təhqir edib" | 216 nömrəli məktəbdə nə baş verir?
- Sərnişinlə dolu mikroavtobus maşınla toqquşdu | “İldə 4-5 ölüm hadisəsi olur bu yolda”
- İctimai yerdə etdikləri ilə gündəmi alt-üst edən qadınlar barədə təcili xəbər
- Xəzərdə dəhşətə gətirən qəza | FHN təcili hərəkətə keçdi
- Bakıda kilid altındakı tarixi məkan | "Qala içində qala"nın sirri
