Yazın gəlişini tərənnüm edən bayram | "Xıdır Nəbi" necə keçirilir?
“Xıdır Nəbi” Naxçıvanda keçirilən qədim el bayramlarından biridir.
Bu bayram təbiətin oyanmasını tərənnüm edərək bolluq, bərəkət, firavanlıq rəmzi kimi qeyd olunur.
Tarixçi Asəf Orucov bildirib ki, “Xıdır Nəbi” mərasiminə orta əsr mənbələrində rast gəlinir: “Xıdır Nəbi” bayramı fevralın 9-da Kiçik çillənin yarı olduğu gündə keçirilir. Bu bayramda qovrulmuş buğdadan (qovurğadan) qovut hazırlanır. Qovutu quru yemək çətin olduğundan ona bir az doşab əlavə edirlər”.
Asəf Orucovun sözlərinə görə, “Xıdır Nəbi” bayramında uşaqlar qapılara gedib “Xıdıra xıdır deyərlər, Xıdırın payın verərlər” deyərək papaq atırlar. Torbalara müxtəlif növ şirniyyat, çərəzlər qoyub uşaqları yola salırlar.
Qədim tarixi köklərə məxsus “Xıdır Nəbi” bayramı nəsillərdən-nəsillərə ötürülərək bu gün də müxtəlif bölgələrdə qeyd olunur.