Yeni Ramanada köhnə problem | Yarımçıq qalan iş yenidən narazılıq yaradıb - Baku TV

Sabunçu rayonunun Yeni Ramana qəsəbəsində yollarla bağlı problem yenidən gündəmə gəlib.

Qara Qarayev küçəsindən Baku TV-nin qaynar xəttinə daxil olan şikayət artıq ikinci dəfədir ki, işıqlandırılır.

Ötən ay Baku TV-nin sözügedən ünvanda apardığı çəkilişdən sonra aidiyyəti qurumlar əraziyə baxış keçirərək asfaltlanma işlərinə başlayıblar. Lakin görülən işlər yarımçıq qalıb.

Belə ki, küçənin yalnız yuxarı hissəsinə asfalt örtüyü salınıb, aşağı hissə isə əvvəlki vəziyyətdə saxlanılıb. Yağışlı havalarda isə küçə keçilməz vəziyyətə düşür.

Mövcud vəziyyətdən əziyyət çəkən sakinlər narazılıqlarını Baku TV ilə bölüşüblər.

“2002-ci ildən Yeni Ramanada yaşayıram. Yollarla bağlı problemə görə hətta çağırılan təcili tibbi yardım avtomobilləri də ünvana vaxtında çata bilmir. Xahiş edirik ki, yollarımıza asfalt çəksinlər, biz də rahat hərəkət edə bilək”, – onlardan biri söyləyib.