Yırtıcılar təsərrüfatda böyük fəsadlara səbəb olur

Son vaxtlar ölkədə canavar hücumlarının sayı artıb. Yırtıcılar təsərrüfatlarda böyük fəsadlara səbəb olur.

Ətraf mühit məsələləri üzrə ekspert Rövşən Abbasov mövzu ilə bağlı Baku TV-yə müsahibəsində bildirib ki, hücumların daha çox baş verməsinin əsas səbəblərindən biri canavarların sayının artmasıdır:

“Son 20 ildə biomüxtəlifliyin qorunmasına çox ciddi diqqət yetirilir. Xüsusilə milli parkların ərazisi genişləndirilir. Canavarların və digər yırtıcı heyvanların öldürülməsinə qarşı çox sərt cəzalar tətbiq edilir. Bunun nəticəsində belə hallar baş verir”.

Coğrafiya elmləri doktoru Səid Cəfərov da əsas səbəbin ekoloji tarazlığın pozulması olduğunu vurğulayıb:

“Canavar meşədə özünə qida tapa bilmədiyi üçün ehtiyacdan kənar ərazilərə hücum edir. Qarşısına çıxan da insanlar və təsərrüfatdakı heyvanlar olur”.