Yiyəsiz qalan Yevlax bulvarı hər an uça bilər
Baku TV 2021-ci ildə Yevlax şəhərində Kür qırağı bulvar ərazisinin çökməsi və təhlükəli vəziyyətin yaranması ilə bağlı problemi işıqlandırmışdı.
Həmin vaxt icra hakimiyyətindən məsələnin nəzarətdə olduğu və təmir işlərinin aparılacağı bildirilmişdi.
Baku TV-nin əməkdaşı problemin həllini tapıb-tapmadığını öyrənmək üçün yenidən adıçəkilən ərazidə olub.
Sakinlərin sözlərinə görə, ərazidə dağıntılar çoxdur, oturub dincəlməyə yer yoxdur.
Yevlax Şəhər İcra Hakimiyyətindən bildirilib ki, Kür çayının sahili qəzalı vəziyyətdə olduğuna görə fəaliyyətini dayandırıb. Qeyd edilib ki, bu rəyi Fövqəladə Hallar Nazirliyi verib.
FHN-dən isə İcra Hakimiyyətindən məsələ ilə bağlı onlara hər hansı müraciətin daxil olmadığını və qurum tərəfindən o əraziyə heç bir rəy verilmədiyini bildiriblər.