Yumurtanın bahalaşmasının səbəbi nədir?

Yeni il qabağı bir sıra kənd təsərrüfatı məhsullarının qiyməti bahalaşıb. Artım kənd yumurtasının qiymətində daha çox müşahidə olunur.

Baku TV-nin əməkdaşı Quba bazarında kənd yumurtasının hazırkı qiyməti ilə maraqlanıb. Bazarda həm alıcılar, həm də satıcılar qiymətlərin günü-gündən qalxdığını bildiriblər.

"Əvvəl yumurtanı 15 qəpiyə satırdıq. İndi yumurta çörək qiymətinə olub, ceyran belinə çıxıb, tutmaq olmur", - deyə satıcılardan biri qeyd edib. Alıcılar yumurtanın qiymətinin qalxmasını yem tədarükünün bahalaşması ilə əlaqələndirirlər.

Qeyd edək ki, Quba ilə yanaşı, Qusar, Şabran və Xaçmaz rayonlarının mərkəzi bazarlarında da oxşar mənzərə yaşanır.