Yuxusuzluq insan xarakterinə necə təsir edir? | Dünya əhalisinin 30%-i…

Sao Paulo Universitetinin braziliyalı alimləri şəxsiyyət xüsusiyyətləri ilə xroniki yuxusuzluğun inkişaf riski arasında aydın əlaqə olduğunu müəyyən ediblər. Ən böyük təhlükə nevrotiklikdir, yəni emosional qeyri-sabitliyə meyl.

Tədqiqat "Journal of Sleep Research" elmi jurnalında dərc olunub.

Yuxusuzluq dünya əhalisinin təxminən 30%-ni əhatə edir. Bu pozğunluq hipertoniya, diabet və depressiya riskini artırır.

Komanda iki qrupa bölünən 595 iştirakçının məlumatlarını təhlil edib: yuxusuzluğu olanlar və olmayanlar. 60 bəndlik şəxsiyyət testindən istifadə edərək yuxusuzluğu olan xəstələrin 61,7%-də nevrotizmin yüksək səviyyədə olduğunu aşkar ediblər.

Bundan əlavə, yeni təcrübələrə açıqlıq üzrə aşağı ballar yuxu pozğunluğu riskini artırıb. Anksiyetenin nevrotiklik və yuxusuzluq arasında əsas vasitəçi olduğu aşkar edilib.

“Nevrotiklik yuxusuzluğun inkişafı üçün ideal mühit yaradır. Bu insanlar yuxunu pozan neqativlər üzərində dayanmağa meyillidirlər”, ‒ deyə araşdırmanın rəhbəri Barbara Konvey izah edib.