12 günlük savaşın sirri açıldı | SEPAH bu ölkəyə sərt xəbərdarlıq etdi!

26 avqust 2025 287 baxış

12 günlük İran-İsrail müharibəsi zamanı Təl-Əviv İraq hava məkanından istifadə edərək hücumlar həyata keçirib.

Bununla bağlı SEPAH-ın siyasi bölməsinin mətbuat orqanı məlumat yayıb.

Bildirilib ki, müharibə dövründə İsrail qırıcıları İraq səmasından İran hava məkanına daxil olub və ya bu hava məkanından islam respublikasındakı hədəflərə raketlər buraxıb.

“İraq səması 12 günlük müharibə zamanı İsrailin İrana hücumları üçün keçidə çevrildi. İsrail qırıcıları bu məkanı heç bir maneə ilə qarşılaşmadan istifadə etdilər”, – deyə mətbuat orqanı vurğulayıb. SEPAH qeyd edir ki, müharibə bitdikdən sonra da İsrailin İraq üzərindən İran ərazilərinə sızmaları davam edib.

SEPAH İraq hökumətinə xəbərdarlıq edərək, Bağdadın bu məsələdə ABŞ-yə təzyiq göstərməli və hava hücumundan müdafiə sistemləri yerləşdirməklə İsrail aviasiyasının uçuşlarına son qoymalı olduğunu vurğulayıb.

#SEPAH