2024-cü il seçkiləri əvvəlkilərdən nə ilə fərqlənir? | İlk dəfə eşidəcəyiniz 6 fakt

2024-cü il ABŞ-də keçirilən prezident seçkilərini əvvəlki seçkilərdən fərqləndirən 6 amil açıqlanıb.

Hazırkı seçkilər mövcud olan namizədin səsverməyə bir neçə ay qalmış dəyişdirilməsi ilə fərqlənib. Belə ki, ABŞ Prezidenti Cozef Bayden bütün partiyadaxili seçkilərdə qalib gəldikdən sonra seçki yarışında iştirakdan imtina edib. O, yenidən seçilmək cəhdindən əl çəkən səkkizinci Amerika lideri olub. Lakin Bayden namizədliyini digərlərinə nisbətən daha gec geri götürdüyünə görə yadda qalıb.

2024-cü il seçkiləri həm də ona görə unikaldır ki, 1976-cı ildən bəri ilk dəfə Bayden, eləcə də Bill Klinton və Kiçik Buşun ailələrindən olan siyasətçilər seçkilərdə iştirak etməyiblər.

Bundan əlavə, seçki yarışı yeganə teledebatla baş tutub. 1980-ci ildən bəri dövlət başçısı vəzifəsinə namizədlər iki və ya daha çox debatlarda iştirak ediblər. Lakin bu il baş verən qarşıdurmalar, namizədin gec təyin olunması, həmçinin mövcud anlaşmazlıqlar, təxribat iddiaları kimi məsələlər debatları təxirə salıb. Nəticədə bu müddət ərzində namizədlər yalnız bir dəfə qarşı-qarşıya gəliblər.

Son seçki kampaniyası Donald Trampa qarşı üç sui-qəsd cəhdi ilə yadda qalıb. O həm də prezident seçkiləri tarixində səsvermədə iştirak edən ən yaşlı namizəddir. 14 iyunda onun 78 yaşı tamam olub. Əgər seçkilərdə qalib gələrsə, 2025-ci il yanvarın 20-də o, dörd il əvvəl hakimiyyətə gələn Baydendən 5 ay böyük olmuş olacaq.

Bundan əlavə, Tramp prezidentlik yarışında təqsirli hökm çıxarılan, lakin heç bir cəza tətbiq olunmayan ilk iştirakçı kimi tarixə düşüb.