2024-cü ildə Rusiyaya miqrant axını azalacaq

2024-cü ildə Rusiyada yüngül və ağır maşınqayırma, o cümlədən müdafiə sənayelərində kəskin işçi çatışmazlığı hiss olunacaq.

Bu barədə ölkə mətbuatında məlumat verilib. Bildirilib ki, sözügedən problemdən tekstil sənayesi də zərər görəcək.

Onlardan fərqli olaraq marketinq, maliyyə və hüquq sahəsində bunun əksi müşahidə olunacaq. Buna səbəb isə bu sahələr üzrə kifayət qədər kadr ehtiyatının olmasıdır.

Nəşrin iddiasına görə, 2024-cü ildə Rusiyada kəskin miqrant axını olmayacaq. Çünki onların əksəriyyəti üçün Rusiyada işləməyin mənası yoxdur. Buna səbəb isə rublun məzənnəsinin ucuzlaşmasıdır. Bildirilib ki, miqrantlar öz ölkələrində də eyni məbləği qazana bilərlər.