5 ölkə Rusiya və Ukrayna müharibəsi ilə bağlı hərəkətə keçdi | Aİ-dən ABŞ-yə çağırış

Avropa İttifaqının xarici əlaqələr və təhlükəsizlik siyasəti üzrə ali nümayəndəsi Kaya Kallas Rusiyanı ukraynalı hərbi əsirləri azad etməklə xoşniyyət nümayiş etdirməyə çağırıb.

O bu barədə Madriddə keçirilən G5 ölkələrinin İspaniya, Almaniya, Fransa, İtaliya və Polşa xarici işlər nazirlərinin görüşündən sonra açıqlama verərkən deyib.

Xanım siyasətçinin fikrincə, Moskva oyun oynayır və əslində, danışıqlarda maraqlı deyil. Məhz buna görə də ABŞ bu müharibəni dayandırmaq üçün Rusiyaya daha çox təzyiq göstərməlidir.

Diplomat bundan əlavə Ukraynada atəşkəsə nail olmaq üçün dəqiq tarixlərin müəyyənləşdirilməsinin vacibliyindən danışıb. Sözügedən sammitdə iştirak edən hər 5 ölkənin nümayəndəsi də eyni çağırışı edərək Ukrayna-Rusiya müharibəsinin tezliklə başa çatması üçün əllərindən gələn hər şeyi etməyə hazır olduqlarını qeyd edib.