5000 erməni həbs edilir? - Fərari ermənilərə gözlənilməz təklif

Hazırda icbari hərbi xidmətdən yayınan və yaşı 27-yə çatmış 5 minə yaxın Ermənistan vətəndaşı barəsində cinayət işi açılıb.

Bu barədə erməni deputat Hayk Sarkisyan məlumat verib. Bildirib ki, İrəvana qayıtdıqları təqdirdə onları həbs gözləyir:

“Mövcud qanunvericiliyimizə görə, 18 yaşına çatmış kişi vətəndaşlar silahlı sayılır. Başqa sözlə, mövcud reqlamentə görə 27 yaşlı oğlanlar xidmət keçə bilməz, onların yalnız bir seçimi var: Cinayət Məcəlləsinin 461-ci maddəsi ilə 5 ilə qədər həbs cəzası almaq. Lakin mən 5 ilə qədər həbs cəzası əvəzinə, minlərlə kişiyə Ermənistana qayıtmaq və cinayət təqibindən azad olmaq imkanı verilməsini təklif edirəm”.

Deputatın sözlərinə görə, hərbi xidmətdən yayınanlara ölkəyə qayıdarkən məhkum olunmaq müqabilində pul ödəmək imkanı veriləcək:

“Artıq qanun layihəsinə əsasən, çağırış yaşına çatmış şəxslərə 5 variant təklif olunacaq. Hərbi xidmətdən yayınan 27-37 yaşlı vətəndaşlar sadəcə geri qayıdaraq 2 il Ermənistan ordusunda xidmət edə bilərlər. Bir il xidmət etdikdə dövlət büdcəsinə 2 milyon dram, yarım il olarsa, beş milyon dram, 1 ay üçün isə 10 milyon dram ödəməlidirlər. Axtarışda olan şəxslər ümumiyyətlə xidmət etmək istəməsələr, dövlət büdcəsinə 15 milyon dram, təxminən 40 min dollar ödəyə və cinayət təqibindən azad ola bilərlər”.

Qeyd edək ki, Ermənistanda son 9 ildə çağırışçıların sayı 44 mindən 24 minə qədər azalıb. 44 günlük Vətən müharibəsi dövründə minlərlə erməni hərbi qulluqçu fərarilik edərək ordudan yayınıb.