60-ci illərdə gətirilən "hədiyyə" | Yerin tarixinin sirri açıla bilər?

11 may 2025 422 baxış

2020-ci ildə 1976-cı ildən bəri ilk dəfə Ay səthindən Yerə qayalı nümunələr gətirilmişdi.

Bunu Çinin "Chang’e 5" adlı kosmik aparatı reallaşdırmışdı. O, Ay səthinə etdiyi səfərdən sonra təxminən 2 kiloqramlıq materialla Yerə dönmüşdü.

İllər sonra bu nümunələrdən bəziləri Çin tərəfindən Böyük Britaniyaya borc olaraq göndərilib.

Məlumata əsasən, bu toz hissəcikləri hazırda Milton Keynes şəhərində yüksək təhlükəsizliklə qorunan bir müəssisədə, qapalı seyfdə saxlanılır.

Professor Maheş Anand Britaniyada bu son dərəcə nadir materialı borc alan yeganə alimdir. Onun komandası bu tozu üyüdərək lazerlə analiz etməyi planlaşdırır. Məqsəd Ayın necə formalaşdığı və Yer tarixinin ilk dövrləri ilə bağlı əsas suallara cavab tapmaqdır.

Məlumatda deyilir ki, bu toz hissəciklərinin tərkibində Ayın, Yerin təxminən 4,5 milyard il əvvəl Mars ölçüsündə bir planetlə toqquşması nəticəsində formalaşdığı nəzəriyyəsini dəstəkləyən dəlillər ola bilər.

#Ay tədqiqatları