7 illik hakimiyyət “çat” verdi | Səsvermənin nəticələri Ermənistanı silkələdi

Ermənistanın hakim “Vətəndaş Müqaviləsi” Partiyası Gümrü şəhər meriyasında keçirilən səsvermədə məğlub olub.

Müxalifətin namizədi Vardan Qukasyan bu gün Şəhər Şurasının ilk iclasında Gümrünün meri seçilib.

İclasda 4 müxalifət fraksiyası Vardan Qukasyanın namizədliyini dəstəklədiyini açıqladıqdan sonra hakim partiyanın namizədi Sarik Minasyanın seçilmək şansı qalmayıb. Nəticələri əvvəlcədən bilən “Vətəndaş Müqaviləsi”nin üzvləri iclasa qatılmayıblar.

Martın 30-da keçirilən növbədənkənar seçkilərin nəticələrinə əsasən, Şəhər Şurasının 33 mandatı aşağıdakı kimi bölünüb:

Sarik Minasyan (hakim partiya) – 14 mandat
Vardan Qukasyan (Kommunist Partiyası) – 8 mandat
Martun Qriqoryan (“Bizim şəhər” bloku) – 6 mandat
Ruben Mxitaryan (“Güclü cəmiyyət” bloku) – 3 mandat
Karen Simonyan (“Ana Ermənistan” bloku) – 2 mandat

Xatırladaq ki, bu, Baş nazir Nikol Paşinyanın partiyasının yeddi illik hakimiyyəti dönəmində Ermənistanda keçirilmiş bütün seçkilərdə ilk məğlubiyyətidir.