ABŞ aviasiyasının ən yaxşı "F-16" pilotu Ukrayna üçün döyüşməyə razılıq verdi
ABŞ aviasiyasının ən yaxşı F-16 pilotu, istefada olan polkovnik-leytenant Den Hempton Ukrayna səmasını müdafiə etməyə hazır olduğunu açıqlayıb.
O hesab edir ki, Ukrayna F-16 qırıcılarını idarə etmək təcrübəsi olan əcnəbi pilotlar tapmalıdır. Bu, qələbəni yaxınlaşdırmağa kömək edəcək.
Amerikalı hərbçi bildirib ki, tərəfdaşlar arzulanan təyyarələri Ukrayna Silahlı Qüvvələrinə təhvil verəcəklər, ancaq ən əsası həmin təyyarələri idarə edə bilən, qırıcılarda minlərlə saat uçuşu olan və təlimə ehtiyacı olmayan insanları tapmaqdır.
“Bu, ukraynalı pilotları ABŞ-yə təlim keçmək üçün göndərməkdən daha sürətlidir. Yenə də hökumətlər və siyasətçilər qərar verməlidirlər”, - deyə D.Hempton bildirib.
O hesab edir ki, ölkələrin hökumətləri problemlərini həll etsələr, Ukrayna səmasını müdafiə etməyə hazır olan kifayət qədər amerikalı pilot var. “Hətta özüm gedəcəyəm, bir nömrə olacağam, mənə arxalana bilərsiniz”, - deyə D.Hempton vurğulayıb.