ABŞ Çini niyə yola gətirə bilmir?

Dünyanın iki nəhəng iqtisadiyyatı — ABŞ və Çin arasındakı münasibətlər 2025-ci ildə daha mürəkkəb bir mərhələyə qədəm qoyub. Donald Trampın ağ evinə qayıdışından sonra "Öncə Amerika" strategiyası çərçivəsində Çinə qarşı tətbiq edilən yeni tariflər və ixrac məhdudiyyətləri tərəflər arasındakı uçurumu daha da dərinləşdirib. Baku TV-nin təqdim etdiyi süjetdə ABŞ-ın Çini niyə "yola gətirə bilməməsinin" əsas səbəbləri təhlil olunur: nadir torpaq elementləri üzərində Pekinin monopoliyası, Tayvan məsələsindəki qırmızı xətlər və Çinin qlobal tədarük zəncirindəki əvəzedilməz rolu. Süjetdə həmçinin ABŞ Dövlət katibi Marko Rubionun Çinə qarşı sərt sanksiya siyasəti və Pekinin buna cavab olaraq Amerika müdafiə şirkətlərinə qoyduğu qadağalar yer alıb. Təbəssümlər arxasında gizlənən sərt reallıqlar: Busan görüşündən sonra yaranan kövrək atəşkəs nə qədər davam edəcək? Qlobal iqtisadiyyatın taleyini həll edən bu rəqabətin təfərrüatları Baku TV-nin "Dünya" rubrikasında.