ABŞ-də məhkəmə sığorta şirkətini görün nəyə məcbur etdi | Detallar ortaya çıxdı

ABŞ-nin Missuri ştatında məhkəmə sığorta şirkətini 10 il qanunsuz həbsdə qalan Rayan Ferqusona təzminat ödəməyə məcbur edib.

R.Ferquson 1993-cü ildə “Columbia Daily” qəzetinin idman redaktorunun qətlində təqsirləndirilib. Onun cəzası sonradan yalan ifadə verdiyini etiraf edən dostunun ifadələrinə əsaslandırılıb.

Yalnız 2013-cü ildə məhkəmə onun təqsirsizliyini təsdiqləyərək müdafiə tərəfinin topladığı vacib sübutların prokurorluq tərəfindən gizlədildiyini ortaya çıxarıb.

R.Ferqusonun işinə baxan altı polis əməkdaşı onun azadlığa buraxılmasından sonra sığorta şirkətinə qarşı iddia qaldırıb.

Belə ki, sığorta şirkəti müdafiə xərclərini ödəməli idi. Məhkəmə prosesi bir neçə il davam edib. R.Ferquson ödəmələri tələb edirdi, şirkət isə mühakimə qərarından əvvəl müştərinin sığortasının etibarsız olduğunu iddia edirdi.

Nəticədə R.Ferquson 38 milyon dollar təzminat alacaq. Hakim qərar verib ki, sığorta şirkəti əvvəlki məhkəmə qərarlarını nəzərə almayaraq böyük məbləğdə təzminat ödəməlidir. Bir neçə il əvvəl şirkət R.Ferqusona həbsdə keçirdiyi hər il üçün bir milyon dollar ödəməli və Kolumbiya şəhərinin məhkəmə xərclərini qarşılamalı idi, lakin bu tələbi yerinə yetirməyib.